Innuttaasut siunnersuutaat tallimat maannakkut taasiffigisinnaavatit. Isummat paasitiguk politikkerillu isummerfigisassaannik sunniuteqaqataallutit. Innuttaasut siunnersuutaat sorliit taasiffigisinnaanerlugit uani takukkit.
Kommuneqarfik Sermersuup ulluinnarni inuiaqatigiinnut ajornartorsiutaasinnaasut pitsaanerpaamik aaqqiissuteqarfiginissaat ujartortuarpai. Taamaattumik kommunimi innuttaaqataasut periarfissinneqarput aaqqiissuteqarnissamut isumassarsiaminnik Kommuneqarfiga.gl aqqutigalugu apuussisinnaanissaannut, aammalu innuttaasut siunnersuutaat orniginartinnerusatik taaseqataaffigisinnaallugit.
Innuttaasuniit siunnersuutit taaseqataaffiusinnaasut ullumikkut ukuupput:
- Tasiilami sukuutsertarfik
- Sioqqat aqqusinernut quasattunut atorneqarlik
- Meeqqerivimmi decembar akeqanngitsoq
- Mittarfiup tungaanut qullersuit napasortai qinngortartulerlugit
- Juullip nalaani bussit unnuakkut ingerlanneqartartut
Kommunitsinni ineriartorneq tikkuusseqataaffigerusuppiuk? Atuisutut uani nalunaarsortigit tusaaneqarnissanullu periarfissat atorluaruk!
Innuttaasut siunnersuutaannut, Nuup avataani immikkoortunut tunngasuni, misileraanerup nalaani 50-inik taasisoqartillugu siunnersuut oqaluuserisassanngorlugu ingerlateqqinneqassammat. Misileraanerup nalaani innuttaasut siunnersuutaannik nassiussinissamut ulloq kingulleq tassaavoq 2023-mi marsip ulluisa aallaqqaataat.