Ulloq 23. novembari 2022-mi Kommuneqarfik Sermersuumi upalungaarsimasut Qallunaat Nunaanni Imarsiornermik Aqutsisoqarfimmit akuerineqarput, Imarsiornermik Ilinniarfiup neqeroorutigisartagaanik STCW-mik ilinniarnerup ingerlanneqartarnissaanut.
STCW-mik ilinniagaq imaani ikuallattumik qamitsinermik ilinniarfiuvoq. Akuersissut imaani isumannaatsuunissaq pillugu piumasaqaatinut naapertuuppoq. Ilinniagaq imarsiortunut saaffiginnittuuvoq, umiarsuarni ingerlatsinermik suliassanik isumaginnittuusunut. Allatut oqaatigalugu ilinniagaq imarsiornerup iluani isumannaallisaanermut pisariaqartumut tapertaavoq. Ajunaarneq pippat tassani piareersimanissaq pisarpoq, taamaalilluni pitsaanerpaamik ikiuuttoqarnissaa piareersimaffigineqassaaq, pisumi inuunerup toqullu akornanni pisoqarsinnaammat.
Qallunaat Nunaanni Umiarsuaateqarfinnit (Danske Rederier) STCW-mik ilinniarfissaqalernera isumalluarfigineqarpoq
Qallunaat Nunaanni Umiarsuaateqarfiit (Danske Rederier) ilinniarfiusinnaalersut pillugit kommunimit attavigineqarput. Umiarsuaateqarfiit (Danske Rederier), nalagaaffeqatigiinnermi umiuarsuaateqarfiit kattuffiattut sulisitsisutullu atuuppoq, taakkulu imatut oqaaseqaateqarput: ”Danske Rederier, Nuummi imarsiornerup iluani suli allanik ilinniarfissanik periarfissaqalernera nuannaarutigaat. STCW-mik ilinniarfissanik neqerooruteqarneq pitsaasuuvoq, ilinniartoqarnissaanik tunngavissaqartillugu, tassami ataatsimut isigalugu umiarsuaateqarfiit umiartortunik assut pissarserusuttarmata. Imarsiornermik ilinniarfiit ileqqutoqaqarput imarsiornermik inuussutissarsiuteqarnermi pitsaasunik ilinniagaqartitsisarnermik, aamma Danske Rederier soorunami tulluusimaarput massakkut tamanna Nuummi periarfissaalermat.”, taamatut Danske Rederier Kommuneqarfik Sermersuumi Upalungaarsimasunut allakkani allassimapput.
Nuummi ilinniakkap neqeroorutigineqarnera assut iluaqutitaqarpoq
Ilinniagaq Nuummi neqeroorutigineqanngikkallarmat kalaalerpassuit Danmarkimut aallartariaqartarsimapput STCW-mik ilinniagaq naammassiumallugu. Danmarkiliartarneq sivisooq qularutissaanngitsumik aningaasartuuteqarfiungaatsiartarpoq. Jes Damgaard Andersen, Kommuneqarfik Sermersuumi Upalungaarsimanermut pisortaq oqaaseqarpoq: ”Kalaallit Nunaanni ilinniakkamik STCW-mik neqerooruteqarsinnaaneq qularnanngitsumik Kalaallit Nunaanni imarsiornermut iluaqutaasussaavoq. Aningaasat siornatigut Danmarkimut ilinniakkap naammassiartorneranut atorneqartartut massakkut Kalaallit Nunaanniiginnalissapput.”
Sivisuumilli iluaqutissartai utaqqivavut. Jes Damgaard Andersen, Kommuneqarfik Sermersuumi Upalungaarsimanermut pisortaq oqaaseqarpoq: ”Suliap akuersissutigineqarnissaa ukiup aappaata affaaniit ukiut marluk angullugit ingerlasimavoq, utaqqilussinnarsimanatali qularutiginngilara. Qularutiginngilara ilinniakkamut atatillugu aningaasartuutaasartut siunissami annikinnerungaalerumaartut. Pingaartumik aalisarnermik inuussutissarsiuteqartut naatsorsuutigissavarput ilinniakkamik nutaamik iluaquserneqassasut”