Business Innuttaasunut

Fakturat siunissami e-Boks-innut nassiunneqartalissapput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

2023-p ingerlanerani Kommuneqarfik Sermersooq fakturanik akiliinissamullu eqqaasitsissutinik il.il. taamaallaat digitaliusumik nassiussisalissaaq. Tamatuma kingunerisaanik kommunimiit akiligassanik fakturanillu allakkatigut tigusisarunnaassaatit.

Kalaallit Nunaanni innuttaasut 15-iniit qummut ukiullit tamarmik ukiut marluk sinnerlugit Pisortatigoortumik Allakkanik Digitaliusunik tigusinissamut pisussaaffeqarsimapput. Tamatuma kingunerisaanik Kommuneqarfik Sermersuumi innuttaasutut MitID-mik peqartussaavutit, aammalu allakkanik digitaliusunik tigooqqaavimmik e-Boks-imik atuisutut ilinnut nalunaarutigisimasussaallutit.

Tamanna pissutigalugu Kommuneqarfik Sermersooq pisortat sullissivii allat assigalugit fakturanik digitaliusunik taamaallaat e-Boks-innut toqqaannartumik nassiussisalissaaq.

Allakkanik digitaliusunik tigooqqaavik e-Boks allakkanut nakkaatitsivittut nalinginnaasutut atussavat, aammalu taassuma akuttunngitsumik alakkartarnissaa pisussaaffigissavat.

Tamanna pissutigalugu siunissami fakturanik allakkanik nakkartitsiviit nalinginnaasoq aqqutigalugu tigusaqartarunnaassaatit. Tassani fakturat akiliinissamullu eqqaasitsissutit il.il., kommunip innuttaasunut suliffeqarfinnullu nassiuttagaat, taamatullu ulluunerani paaqqinnittarfinnut meeqqanullu akiligassaniit kommunip inaataannik attartornermut fakturat pineqarput.

Ikiorneqarnerit ilitsersorneqarnerillu
E-Boks aamma Pisortatigoortumik Allakkat Digitaliusut pillugit sullissivik.gl alakkarlugu annertunerusumik atuagaqarsinnaavutit.

Tassani ilaatigut qanoq iliorluni e-Boks-imik atuisoqarsinnaaneranut ilitsersuut takusinnaavat, kikkut pisortatigoortumik allakkanik digitaliusunik tigusisarnermut ilaatinneqanngitsoorsinnaaneri pillugu, kiisalu innuttaasutut pisussaaffitit pillugit annertunerusumik atugaqarsinnaavutit. 

Allakkat digitaliusut pillugit apeqqutissaqaruit digitalpost@nanoq.gl attaveqarfigisinnaavat.

MitID-mik pissarsiniarnermi imaluunniit e-Boks-imut kontomik pilersitsiniarnermi ikiortariaqaruit, najukkanni kommunip Innuttaasunut Kiffartuussivia imaluunniit immikkoortortaqarfia saaffigisinnaavat.