DMI aarlerisaarivoq februaarip 28-ani, Paamiuni, Nuummi Maniitsumi nunaqarfiinilu sekundimut meterinik 35-45-nik anoraasuarsuartarnissaa.
Nuummi Paamiunilu atuarfiit paaqqinnittarfiillu ammassapput. Innersuussutigineqarporli meeqqat angerlarsimatiinnarneqassasut, tamanna pisinnaappat. Angajoqqaat qinnuigineqarput nammineq nalilersussallugu meeqqatik illersorsinnaasumik tunniukkiartorlugillu angerlaassinnaaneraat, ingammik bussit uneratarsinnaanerat eqqarsaatigalugu. Anoraasuarsuartoqarnerani atuarfiit paaqqinnittarfiillu matuneqassagaluarpata meeqqat angerlartiinnarneqarnavianngillat.
Kommunip allaffii kiffartuussiviilu ammaannarnissaat naatsorsuutigineqarpoq, sulisut suliartorsinnaanerat tassani apeqqutaajumaarpoq. Qeqertarsuatsiaani kommunip allaffii matoqqassapput.
Pigisat tingitaasinnaasut inunnut pigisanullu uloriarnartorsiortitsisinnaammata, politiit suliffeqarfiit qinnuigai suliffeqarfimmi eqqaanni isumannaarsueqqullugit.
Paamiuni Nuummilu innuttaasut aamma qinnuigineqarput pigisatik isumannaarsussagaat, aammalu angallataatitik pituttorluassagaat.