Pikkorissarnerit sungiusarnerillu Services

Tasiilami ilinniarfiusinnaasunik nittarsaassineq iluatsilluarpoq

Tasiilami ilinniarsimassutsikkut qaffassaanermut atatillugu, marlunngorneq januaarip 17-ianni 2023-mi, Tasiilami Majoriap aaqqissuussaanik ilinniarfiusinnaasunik nittarsaassineq timersortarfimmi ingerlanneqarmat iluatsilluarpoq.

Innuttaasut amerlasuut, pingaartumik inuusuttut meeqqaallu nittarsaassineq soqutigilluarlugu paasisaqarusuttut amerlapput. Innuttaasut ilinniarfeqarfinnut suliffeqarfinnullu paasisassarsiornissaminnut periarfissaqarluarsimapput.

”Ilinniarfeqarfiit suliffeqarfiillu arlallit nittarsaassinermi peqataapput, taakkulu innuttaasunit paasiniaaffigineqallattaapput, paasiniaasoqarnissaanullu piareersarluarsimalluaramik assut nuannerpoq”, taama oqarpoq Bea Mølgaard Lennert, Suliffeqarnermut Isumaginninnermullu Ingerlatsivimmi immikkoortortami fagchefi.

Nittarsaassinermi kitaani ilinniarfeqarfinniit Tasiilamilu suliffeqarfinnit arlalinnit peqataaffigineqarpoq.

Aaqqissuussaq innuttaasunit ilassilluarneqarsimavoq, innuttaasut 400-ut missaaniittut alakkaasimassasut missingiunneqarput.

”Aaqqissuussaq Tasiilami innuttaasunit tigulluarneqarnera nuannaarutigaarput, aamma ilimagilluinnarparput ilinniarusulernissamik pilersitseqataasimassalluta”, Bea Mølgaard Lennert naggasiivoq.

Aaqqissuussamit assit takukkit: