Sunngiffimmi sammisassat Timersorneq

Naluttarfik Malimmi atuisunut siunnersuisoqatigiinni ilaasortanngorit

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Naluttarfik pissanganarluinnartumik ineriartorput, siunissamilu qaninnermi illutaa nutarterneqartussaavoq. Atuisunut siunnersuisoqatigiinni ilaasortatut iliuuseqaqataasinnaavutit kiisalu ineriartornermut ukiumullu isertartunut 170.000-inut allanngueqataallutit.

Naluttarfiup atuisunut siunnersuisoqatigiivini ilaasortatut naluttarfiup ingerlanneqarnera pillugu atuisut naluttarfimmilu aqutsisut akornanni toqqaannartumik oqaloqatigiinnermut peqataanissaq qulakkeerneqassaaq.Atuisunut siunnersuisoqatigiit aqutsisunut kommunimillu politikkikkut ataatsimiititanut naluttarfimmut attuumassuteqartunut tamanut tunngasunik siunnersuisuusinnaapput. Tamatuma saniatigut ataatsimiititanit kommunimilu suliffeqarfinnit attuumassuteqartunit tamanit naluttarfimmut attuumassuteqartunut tamanut tunngasunik tusarniaavigineqartassapput.

Naluttarfiup atuisunut siunnersuisoqatigiivi tallimanik ilaasortaqarput:

  • Nuummi Naluttartut Klubbiannit ilaasortat marluk
  • Illoqarfimmi innuttaasunut tamanut ilaasortat marluk
  • Meeqqanut, Ilaqutariinnut Atuarfeqarnermullu Ingerlatsivimmit ilaasortaq ataaseq innersuussutigineqassaaq.

Atuisunut siunnersuisoqatigiinni ilaasortat ilaatigut suliassaraat:

  • Ammasarfiit, kiffartuussinerit, naluttarfiit agguataarneqarneri, billetit akii, suliniutit nutaat, naammagittaalliuutit il.il pillugit siunnersuisarneq.
  • Naluttarfiup ingerlanneqarneranik pilersaarusiornermut atatillugu, atuisut assigiinngitsut kissaataat pisariaqartitaallu pillugit siunnersuisarneq
  • Naluttarfiup suliassaqarfiani suliniutit pillugit atuisunut ilisimatitseqataaneq
  • Aningaasat kommunimit atoqqusaasut qaangernagit, naluttarfiup suliassaqarfiani atorsinnaasanik tulleriissaarineq pillugu naluttarfimmi aqutsisunik kommunimillu siunnersuineq. 

Atuisut siunnersoqatigiivi ukiumut minnerpaamik arfinileriarlutik ataatsimiittassapput, taakkulu siunnersuisoqatigiit anguniagaannut suliassaannullu tunngatillugit inissinneqartassapput.

Atuisut siunnersuisoqatigiivisa aamma Meeqqanut, Ilaqutariinnut Atuarfeqarnermullu Ataatsimiititap akornanni minnerpaamik ukiumut ataasiarluni ataatsimiittoqartassaaq, aamma pisariaqartitsineq malillugu. Atuisut siunnersuisoqatigiivisa suliat Meeqqanut, Ilaqutariinnut Atuarfeqarnermullu Ataatsimiititamut saqqummiussinnaavaat, siunnersuisoqatigiit ataanni suliat pigineqartuni sammisani tamani.

Atuisunut siunnersuisoqatigiinni innuttaasunut sinniisussanut marlunnut qinnuteqaatit aqutsisut maanna tigoorarpaat.

Qinnuteqaatit apeqqutilluunniit ulloq 27/01-2023 nallertinnagu uunga nassiussinnaavatit dakl@sermersooq.gl

Aqutsisut qinnuteqaatit katersoreerunigit innersuussat aaliangigassanngorlugit ingerlateqqissavaat.