Kommuneqarfik Sermersuup inissiaatileqatigiillu suleqatigiillutik aputaajaasarneq pillugu paasissutissanik saaffissanillu ersarissaasimanerat maannamut kinguneqarluarsimasoq.
Inuttaasut saniatigut Iserit, INI, Illuut aamma Kommuneqarfik Sermersooq Nuummi aputaajaanissamut akisussaasuupput. Qanorliukua agguataarneqarsimasut?
Ukioq ataaseq qaangiussimalerpoq Kommuneqarfik Sermersuup nittartagaatigut digitaliusumik takuneqarsinnaalermat kikkut Nuup sortaani nivattarnermik akisussaasuunersut. Taassumalu saniatigut aputaajaasarnermut tunngatillugu apeqqutissalinnut oqarasuaat pilersillugu.
Nutarterineq iluatsilluarpoq
Kommunip aputaajaasarnera, kommunimi sulisunit Materielgårdemeersunit aammalu suliffeqarfiit avataaneersut peqatigalugit ingerlasarpoq. Tamannalu suliaq Kommuneqarfik Sermersuup ingerlatsinermut sullissivianit ataqatigiissarneqarpoq, tassani Agnes Olsen ingerlatsinermi sullissivimmi aqutsisuullunilu ataqatigiissaarisuuvoq.
”Aputaajaasarneq ulluinnatsinnut inituujuvoq. Aaqqissuussarlu nutaaq nuannaarutigaarput inissiaatileqatigiit suleqatigalugit ingerlanneqartoq, maannamullu iluatsilluartutut ullumikkut nalilerparput. Attaveqaqatigiinnerpullu ajunngilluinnattumik ingerlavoq paasissutissanik ersarissaareernerup kinguneranik ersarissimmat kikkut sumi aputaajaasarnermi akisussaasuunersut”, Agnes Olsen taama oqarpoq.
Siunissami digitali atorlugu ineriartortitsiuarnissaq
Sulilu teknologi atorlugu ineriartortuarnissaq Kommuneqarfik Sermersuumit naatsorsuutigineqarpoq, soorlu aamma aputaajaasarneq eqqarsaatigalugu illoqarfiup assinga atorlugu taamaasiortoqareersoq.
“Aaqqiissutit taamaattut innuttaasunik kiffartuussinitsinni, nittartakkakkut quppernerput atorlugu oqinnerulersinneqarsinnaapput. Taamaammat digitali atorlugu nutarsaajuarnissarput pingaartuuvoq. Saniatigullu aamma digitalinik atuisuunngitsunut oqarasuaat nivannermut tunngasunik apeqqutissalinnut ammasuulluni,” taama Agnes Olsen naggasiivoq.
Ugguuna aputaajaanermut Illoqarfiup assinga takuuk