Ataasinngormat Aningaasaqarnermut Naalakkersuisoqarfiup Kommuneqarfik Sermersuumut uparuaanera ataasinngorpat 12. decembarimi Aningaasaqarnermut Inuussutissarsiornermullu Ataatsimiititaliap immikkut ittumik ataatsimiinnerani oqallisigineqarpoq. Borgmesteri nammineerluni ataatsimiittoqarnissaanik suliniuteqartuuvoq.
”Kommuneqarfik Sermersuup tamatigut inatsisit malillugit sulisarnissaat piumasaqaatigaara saneqqutassaanngitsoq. Tamatumunnga peqatigitillugu suliatsinni, ajoraluartumik amerlavallaartuni kommunalbestyrelsip tamarmiusup akuutinneqarnissaa kissaatigaara, Kommuneqarfik Sermersuumi borgmesteri Avaaraq Olsen oqarpoq.
Aningaasaqarnermut Naalakkersuisoqarfiup Kommuneqarfik Sermersooq Naalakkersuisunit akuersissummik peqqaarani attartornissamut isumaqatigiissuteqartarnera pillugu uparuarpaa.