Innuttaasunut

Akeqanngitsumik bussinut ilaaneq akillu nutaat

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

2023-mi Januaarip aallaqqaataaniit Kommuneqarfik Sermersuumi pensionisialinnut, meeqqat atuarfiini atuartunut meeqqanullu nukarlernut busserneq akeqarunnaassaaq, ilutigalugulu billetsinut, klippekortinut qaammammullu kortinut akigititat allanngorneqassapput.

Meeqqat atuarfiini atuartunut, meeqqanut nukarlernut pensionisialinnullu bussernerup akeerunnissaa Kommuneqarfik Sermersuup 2023-mut missingersuutaani anguneqartut ilagaat.  Kommunalbestyrelsip sullitat taakku akeqanngitsumik bussinut ilaasalernissaannut ukiumut 6 millionit koruunit aningaasaliissutigai.

Meeqqat atuarfianni atuartut nukarliillu akeqanngitsumik bussertassapput

  • Atuartut suli bussimi atuarfimmi kortitik atortassavaat.  Matumani bussersinnaaneq killeqarunnaassaaq.

Pensionisiallit siusinaartumik soraarnerussutisiallit atorfilittullu soraarnerussutisiallit ilanngullugit akeqanngitsumik bussersinnaapput.

  • Pensionisiaqaruit qaammammallu kortimik peqarlutit, taava taanna siunissami atuunnassavat, bussinut ikinermi. Nutartertariaqanngilat imaluunniit nutarternissaanut akiliisariaqanngilatit. Korti atuuttuassaaq.
  • Pensionisiaqalerlaat, siuisinaartumik aammalu atorfilittut soraarnerussutissiallit, kiisalu pensionisiallit suli kortimik peqalinngitsut, Nuup Bussii allaffianut kortimik aallersinnaapput, aallernermi buskorti assitalik pissarsiarineqassaaq.
  • Nuup Bussiisa allaffianukarnermi assimik nassartariaqanngilatit, allaffimmi assilitittussaagavit.
  • Eqqaamallugu pensionisiaqarnerpit uppernarsaataanik nassassagavit, taannalu Kommuneqarfik Sermersuumit uppernarsarneqassaaq imaluunniit pensionisiaqarnerit allatigut uppernarsaarsinnaassavat, kiisalu kommunimi najugaqarnerit uppernarsarsinnaassallugu.
  • Pensionisialinnut kortimik nutaamik tunniussineq akeqanngilaq.
  • Kortimilli taarsiinermi tunniussineq 50 koruuninik akeqarpoq.

Aneerussiviit akeqanngitsumik nassarneqarsinnaapput

  • Inersimasulli aneerussivimmik nassartut suli billetsiminnut akiliissapput. 
  • Kisianni suli bussimi ataatsimi aneerussiviit klapvognillu marluinnaaqqusaapput. 

Tamatumanittaaq billetsinut nalinginnaasunut qaammammullu kortinut akit akikillisinneqassapput, klippekortilli akisunerulaalissallutik.

Januaarip aallaqqaataaniit bussit akii nutaat imaassapput:

  • Inersimasunut billetsi =                         20 kr.
  • Inersimasunut klippekorti =                150 kr.
  • Inersimasunut korti qaammammoortoq = 550 kr.

”Angallanneq ilaqutariippassuarnut meerartalinnut pensionisialinnullu akisuujuvoq. Ullumikkut qaammammut ilaassutissanik pisisimasut, aningaasanik namminneq atugassaminnik amerlanerusunik atugassaqalissapput, taavalu billetsinik pisisut, maannakkut akulikinnerusumik bussinut ilaasalissapput. Tamanna politikkikkut angusaavoq uannut nuannerluinnartoq”, Kommuneqarfik Sermersuumi borgmesteri Avaaraq Olsen, allannguut kommunalbestyrelsimi akuersissutigineqarmat oqarpoq.