Kommuneqarfik Sermersooq suleqatigalugu Tusassip Nuummi napparutaa aammaarluni orpilianngortinneqassaaq, illoqarfimmi sumiikkaluaraanniluunniit takuneqarsinnaajumaarluni.
Nunarsuaq tamakkerlugu Corona tuniluutilillarmat nalliuttuni ileqqutoqqat pisinnaajunnaartiterput. Pisinnaajunnaartuni ilaavoq Nuummi juullip orpianik ikitsisarneq.
Suliniutinut assigiinngitsunut aqqiinerit allatut ittut ilaanniippoq kommuni Tusassimik suleqateqarluni Tusassip napparutaa arsaattarfissuup eqqaani qaqqamiittoq orpilianngortinneqarnera.
”Orpiliarujussuaq pillugu innuttaasuniit nuannersumik utertiffigineqartuartarpugut. Taamaammat Corona taamanituulli ajornartorsiutaatiginngikkaluartoq, aalajangerpugut napparut pingajussaanik orpiliareqqinniarlugu”, Kommuneqarfik Sermersuumi kulturi pillugu immikkoortortaaneersoq Frederik Elsner taama oqarpoq.
Corona ajornartoortitsineraniilli siulleermeertumik katerilluni juullip orpianik ikitsisoqarlunilu assigiinngitsunik aaqqissuussisoqassaaq, kommunip illoqarfiini tamani.
Juullip orpianik ikitsineq sapaassuarmi novembarip 27-ani pissaaq, ullormilu aaqqissuussat pillugit uani paasisaqarnerusinnaavutit:
