Services

Qinersivik Nuummi Illorsuaq Timersortarfik ammarpoq

Taasinermi aqutsisoq Bea Mølgaard Lennert nalunaaqutaq arfineq-sisamanngormat qinersivik Nuummi Illorsuaq Timersortarfik ammarpaa.

Nuummi qinersinermi suleqataasut taasanut ikioraaviit imaqannginnerat takutereermassuk taasinermi aqutsisup qinersivik Nuummi Illorsuaq Timersortarfik ammartoq suaarutigaa. Qinersiviullu ammarneqarnerani taasiartortunik inoqarluarpoq.

Taasinermi aqutsisoq Bea Mølgaard Lennert siulleermeerluni Kommuneqarfik Sermersuumi aqutsisuuneq misilippaa.

”Ullaaq manna maani illorsuarmi inuit qiimapput, aamma ullup ingerlanerani taamaaginnarnissaa naatsorsuutigaarput. Taasinerillu kisinneqarlutik naammassinissaata tungaanut maani sulissaagut. Nal. 20.00 matut matujumaarpagut, tassanngaanniillu immikkoortitereriarluta kisitsilluta aallartissaagut”, taamak oqarpoq taasinermi aqutsisoq Bea Mølgaard Lennert.

2019-imi Folketingimut qinersisoqarmat Nunarput tamakkerlugu qinersisinnaasut 49,8 procentii taasiartorsimapput.