Arfininngornermi novemberip aqqaneq-aappaanni puakkut nipititsisarneq qulequtaralugu nunarsuaq tamakkerlugu illut tungujortunik qaammaqqusersorneqassapput. Kommuneqarfik Sermersooq suliamut tapersiiniarpoq.
Worldwide Pneumonia Awareness Campaign – Pneumolight 2022 suliaavoq iluanaarniarfiunngitsoq, ukiut tamaasa nunani 52-ini suleqatit katersuuffigisartagaat, taakkulu ataatsimoorlutik illut ilisarnaataasut qitiusullu 250-it tungujortunik qaammaqqusersortarpaat.
Puakkut nipititsisarnerup, nunarsuarmi aseruuttoornerit toqussutaasartut annersaattut inissisimasup aallunneqarnissaa matumani siunertarineqarpoq. 2019-iinnarmi inuit 2,5 millionit sinnillit puakkut nipititsineq toqqutigisimavaat, taakkunannga 680.000-it meeraallutik.
Borgmester Avaaraq Olsen suliniummut tapersersuivoq: ”Puakkut nipititsisarneq nunarsuaq tamakkerlugu ajornartorsiutaavoq, kisiannili aamma maani Kalaallit Nunaanni malugilluinnartarparput. Sakialluut tuberkolose utertuartuulluni ajornartorsiortitsisarpoq, aammalu Covid-19-ip nunarsuaq tamakkerlugu tuniluutereerneratigut ajornartorsiut siunissami annertunerulersinnaavoq. Taamaattumik puakkut nipititsisarnerup eqqumaffigineqarnissaanik siaruartereqataanissarput qujarullugu, ukioq manna aamma kommunip allaffia tungujortunik qaammaqqusersorniarparput.”
Pneumolight pillugu paasititsiniaaneq annertunerusumik atuagaqarfiginiarlugu una tooruk
Aamma puatsigut nipititsisarneq pillugu Nappaatinut quppersagaq, Statens Serum Institut aamma Netdoktor iserfigalugit annertunerusumik atuagaqarsinnaavutit.