Atuarfeqarneq

Kangillinnguit Atuarfianni ikuallattoqartoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Ini atuartitsivik ataaseq ajoquserneqarpoq, ikuallattoqarneranullu kalerrisaarut aallartinneqarluni ullaaq manna Kangillinnguup Atuarfiani annikinnerusumik ikuallattoqarmat.

Atuarfimmi ikuallattoqarnerata kinguneranik atuarfik ullumikkut matuneqarpoq. Angajoqqaat ullup ingerlanerani atuarfimmiit attavigineqarumaarput, aqagu atuarnerup qanoq ingerlanneqarnissaanik nalunaarfigineqassallutik.

Angajoqqaat qitornaminnik aallernissaannik piumaffigineqarput. Atuartut angajoqqaaminniit suli aaneqanngitsut ilinniartitsisuminniit isumagineqarput.

Ikuallanneq atuartut anitsiarneranni pivoq inilu atuarfiusumi ikuallaffiusumi meeqqanik najuuttoqarsimanngilaq. Ikuallattoqarnerani suna peqqutaanersut suli naluneqarpoq.