Avaaraq Olsen Kommuneqarfik Sermersuumi borgmesteritut ivertinneqarami, kommunalbestyrelsitut atuunnermini siulersuisuni assigiinngitsuni ilaasortaaffigisimasaminiit issiajunnaarpoq. Avaaqqamut taarsiisut kikkuussanersut Kommunalbestyrelsimit maanna aalajangiunneqarput.
Avaaraq Olsen Utoqqaat Illuanni siulersuisuini issiasimavoq aammalu Ippiarsummi siulersuisuni ilaasortamut Inge Olsvig Brandtimut sinniisuusimavoq, kiisalu Kommuneqarfik Sermersuup Angalanermut aningaasaateqarfiata siulersuisuini ilaasortamut Naya Sophia Pedersen Lyberthimut aamma sinniisuusimalluni.
Avaaraq Olsen, Charlotte Ludvigseni borgmesteritut taarsermagu, borgmesteriusimasoq tunuarnermigut aamma Mælkebøttecenterimi immikkut ilaasortatut inissisimanini qimappaa, taamaasilluni immikkut ilaasortassatut Avaaraq Olsen inissippoq.
Siulersuisunut kikkut ilaasortanngornissaannik Aningaasaqarnermut Inuussutissarsiornermullu Ataatsimiititaliamit innersuussutigineqartut Kommunalbestyrelsip akuersissutigaat, taakkulu ima inissipput:
- Mia Skifte Lynge (IA) Utoqqaat Illuanni siulersuisuni ilaasortanngorpoq
- Mia Skifte Lybge (IA) Ippiarsummi siulersuisuni sinniisutut inissippoq
- Lone Rosengreen Pedersen (IA) Kommuneqarfik Sermersuup Angalanermut aningaasateqarfiani sinniisutut inissippoq
- Avaaraq Olsen (IA) Mælkebøttecenterimi immikkut ilaasortatut inissippoq
Siulersuisut pillugit paasisaqarnerorusukkuit uani atuarnerusinnaavutit