Services

Meeqqat atuartut ilinniartitsisullu tamarmik massakkut iPadeqalerput

Kommuneqarfik Sermersooq kommuni tamakkerlugu atuartunut ilinniartitsisunullu tamanut iPadinik 3.400-nik agguaasseqqammerpoq.  Tamanna suliniut Kivitsisa, massakkut nuna tamakkerlugu aallarnisarneqartoq aqqutigalugu pivoq.

Septembarimi Kivitsisamik aallarnisaaneq naammassivoq.  Tamanna Kommuneqarfik Sermersooq nunallu sinnera tamakkerlugit atuartut ilinniartitsisullu iPadeqalernerinik isumaqarpoq.

Angusaq Kommuneqarfik Sermersuumi Ejnar Mikkelsenip Alivarpiani naammassineqarpoq, Ejnar Mikkelsenillu ernutaa malunnartitsinermi naapertuulluinnartumik peqataavoq.

Ilinniartitsisunut atuartunullu piginnaasatigut kivitsineq.

Ilinniartitsinermi iPadit atorneqalernerat ilinniartitsisunut aamma piumasaqaateqarfiusimavoq.  Taamaattumik ilinniartitsisut, ulluinnarni iPadip atuartitsiffinni atorneqartalernissaanut piareersarniarlutik, piginnaanngorsarluni pikkorissarnernik assigiinngitsunik ingerlatsisimapput. 

Taanna ingerlatsineq, takkulluni peqataanikkut internettikkullu ingerlaavartumik ingerlanneqassaaq, taamaalillutik ilinniartitsisut atuartitsinerminni atortumik nutaamik atortoqarlutik ingerlatsinissaminnut pitsaanerpaamik piareersarneqarniassammata.

Suliniummik aallartisaaneq 2 klassimiit qummut atuartut tamarmik iPaditaarnerannik kinguneqarpoq.  Atualerlaat siunissami aamma pisaassapput, aatsaalli atualernermiit qaammatip ataatsip ingerlareernerani, taamaalillutik atuarneq qanoq ingerlanneqartassanersoq ilisimasaqarfigileqqaarniassammassuk.