Asasakka meeqqat atuarfianni ilinniartitsisut, timelærerit allallu kommunerujusuatsinni Sermersuumi atuartitsitsinermik ilinniartitsinermillu suliaqartut. Qamannga pisumik Ilinniartitsisut ulluanni, 5. oktober, tamassi pilluaritsi. Kommuneqarfitsinni Meeqqanut Atuartitaanermullu ataatsimiititaliaq sinnerlugu qutsaviginiarpassi meerartatsinnik inuusuttortartinnillu atuartitsinermik ilinniartitsinermillu qulakkeerinneqataagassi, meerartavut inuusuttortavullu kommunerujussuatsinni akuulluarlutik innuttaaqataalluarlernissaannut suliaqarluaqataasuullusi. Aamma atuarsinnaatitaanerup/ilinniagaqarsinnaatitaanerup inuttutut piginnaatitaaffiuneranut qulakkeerinneqataanissinnut qujanaq. Meerartatsinnut inuusuttuttatsinnullu suleqataanerujussuassinnut qujanarsuaq. Neriuppunga ulloq atorluarumaarissi.
Juaaka Lyberth (IA)
Meeqqanut Atuarfeqarnermullu ataatsimiititaliap siulittaasua
Kommuneqarfik Sermersooq.