DMI-p ilimasaarutigaa Tasiilami arfininngornerup unnukkuani unnuaanilu piterarnissaa, sekundimut meterinik 50-imik anoraasuasassalluni. Kalaallit Nunaanni Politiit aammalu Sermersuumi Upalungaarsimasut innuttaasut angerlarsimaannaqqullugit kiisalu miarnersoqqullugit kaammattorpaat.
DMI-miit silassamik ilimasaarutaagallartut takutippaa, arfininngornerup ingerlanerani anori sakkortusiartussasut, nalunaaqutallu 18.00-ip missaani anori sekundimut meterinik 30-nik sakkortussuseqassasoq naatsorsuutigineqarluni.
Nalunaaqutap 21.00-ip kingorna anori sakkortunerulissaaq, sekundimut meterinik 50-inik anoraasuasarsinnaassalluni.
Sapaatip ingerlanerani anori sakkukilliartornissaa naatsorsuutigineqarpoq, ualikkut anori sekundimut meterinik qulinik sakkortussuseqalersimassalluni.
Kommunimi immikkoortortat aammalu suliffeqarfiit tamarmik weekendini nalinginnaasumik ammasartut piterarnerani matoqqatinneqassapput.
Ajornartoortoqartillugu inuttaasut najukkami oqartussanut attaveqarsinnaajumaarput, uku normut atorlugit:
Politiit – +299701448
Beredskabet +299250996 / +881641482283