Sunngiffik

Sunngiffimmi atuartitsineq: Ilisimasatit ingerlateqqinnissaanut piareerpit?

Sunngiffimmi nuannarisannik pikkoriffeqarlutit sammisaqartaruit, taava maanna periarfissaqalerputit Kommuneqarfik Sermersuumi sunngiffimmi atuartitsinermi atuartitsinissannut.

Atuartikkusutatit meeraagaluarpata inersimasuugaluarpataluunniit sammisassaqartitsinerup ingerlannissaata qanoq aaqqissorneqarnissaa illit periarfissat aallaavigalugu pilersaarusiorneqarsinnaavoq. Sapaatip akunnikkaarsinnaavoq, piffissaq sivikitsoq atorneqarsinnaavoq assersuutigalugu arfininngornermi ullup ilaa sammisaqartitsinermi, imaluunniit meeqqat atuanngiffeqarnerisa nalaanni – periarfissat arlaqarput, illit apeqqutaavutit.

Sunngiffimmi atuartitsineq aaqqissorneqarsinnaavoq nalinginnaasumik, nipilersornermik imaluunniit ulluinnarni atortariaqakkat pillugit atuartitsinertut, aamma ilinniaqaqatigiinnerusinnaavoq imaluunniit oqalugiartoqarnerit periarfissaapput.

Nammineq isumassarsiaqaruit sammerusussinnaasannik saaffiginninnissannut tikilluaqquatsigit. Sunngiffimmi atuartitsisut akissarsiaqartarput, atuartitsinermilu atortussat Kommuneqarfik Sermersuumiit isumagineqartarlutik. Illoqarfimmi sunngiffimmi atuartitsineq pilerinarsaaqataaffigiuk.

Kingusinnerpaamik aggustip 22-ani saaffigisigut

Fia Rødgaard, perorsaanermut siunnersorti

366081

fird@sermersooq.gl