Soorlu angajoqqaat ulluni makkunani malugisinnaassagaat, Nuummi paaqqinnittarfiit tatineqaqqapput. Paaqqinnittarfiit sulisussaaleqinermit ajornartorsiuteqareersut, sulisut aasaanerani sulinngiffeqarneranni ajornartorsiut sakkortunerusumik malugineqarpoq.
”Sullissineq naammaginartoq piffissami uani tunniussinnaannginnatsigu ajuusaarnarpoq, taamaattorli taamatut inissisimanerput ullut 14-it missaanni qaangiuppata qaangiuunnissaat naatsorsuutigaarput, sulisugut sulinngiffeqarnerminniit uteriarpata”, Meeqqanut Atuarfeqarnermullu Ingerlatsivimmi pisortaq Lone Nukaaraq Møller taama oqarpoq.
Meeqqanut Atuarfeqarnermullu Ingerlatsivik paaqqinnittarfinni perorsaasunik taakkununngalu ikiortinik amerlanerusunik sulisoqarniarnermut suliniutinik ataavartunik suliaqartuarpoq.