Tusass sapaatit akunnerini pingasuni tulliuttuni attaveqaatit aqqutaat immap naqqatigoortoq iluarsaattussaavaa, tamanna peqqutigalugu Paamiuni internetip arriillingaatsiartartussaavoq. Taamaattoqartillugu kommunip immikkoortortaqarfii arlallit, taakkunani Innuttaasunik Kiffartuussivik ilanngullugu, matuneqarallartassapput.
Kommunimi sulinermi atortut atorneqartut amerlarnerpaartaat internetsimik attaveqarnissamik pisariaqartitsipput. E-mailit, inuit allattorsimaffiannut tunngasut, sullissinerit aammalu oqarasuaatit pineqarput.
Piffissap ilaani internetsip attavia kigaalleqqanerata nalaani kommunip Paamiuni immikkoortortaqarfii amerlanersaat attavigineqarsinaassanngillat, aamma sullissininnaaneq killeqartorujussuusartussaassaaaq -aamma ornigulluni saaffiginninnermi tamanna atuuppoq.
Tamanna kinguneraa immikkoortortaqarfiit piffissap ilaani matusariaqartarnissaat. Suli maannamut ilisimaneqanngilaq iluarsaassinerup kinguneranit attaviit qanoq annertutigisumik sunnerneqartassanersut.