Atuarfeqarneq Services

Meeqqat qilanaartut atualerput

Ilaqutariippassuarnut, minnerunngitsumillu meerarpassuarnut atualeqqaartunut ullumikkut ulloq immikkuullarilluinnartuuvoq. Ulloq kaffillerfiusoq, pissangalaarfiusoq ukiorpassuarnilu atuarfiusussap aallartiffia. Kommuneqarfik Sermersuumi atuarfiit arlallit ullumikkut atualeqqaarfiupput, soorlu uku ASK-imi atualeqqaartut.

“Atualeqqaartut taakkunanullu angajoqqaajusut pilluaqqurujussuarpagut. Piffissaq ilissinnut pingaarutilik pissanganartorlu maanna aallartippoq. Neriuppunga atuarneq nuannariumaarissi. Nuannersumik pitsaasumillu atuarnissarsi qulakkeerniarlugu tamaviaarumaarpugut. Ilutigalugu angajoqqaat kaammattorusuppakka qitornartik tapersersorluarumaaraat. Atuarneq iluatsissappat tapersersuineq pingaaruteqarpoq tamannalu tassaavoq meeqqamut tunnissutigineqarsinnaasut annersaat ilaat.” Borgmesteri Avaaraq Olsen oqarpoq.