Innuttaasunut

Kommuneqarfik Sermersuup arfininngorpat erfalasoq qiteqqusimatissavaa

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Thue Christiansen, Kalaallit Nunaata erfalasuannik (Erfalasorput) titartaasoq arfininngorpat aggustip 13-iani 2022-mi ilisaassaaq. Kommuneqarfik Sermersooq pisortat tamarmik peqatigalugit erfalasumik qiteqqusimatitsissapput, taamaaliorput Thue Christiansenimik ataqqinninnertik takutinniarlugu.

Thue Christiansenip kalaallit erfalasuat – Erfalasorput titartagaraa. Erfalasup ilisarnaatigaa seqerngup siku qulangerlugu nuinera, aasap qaamaneranik kialaarneranillu utertitsisoq.

Eqqumiitsuliortorsuaq Thue Christiansen piginnaasanik ulikkaarpoq. Ilinniartitsisutut ilinniarsimavoq, kulturimut ilinniartitaanermullu naalakkersuisuusimalluni, Namminersornerullutik Oqartussani kulturimut naalakkersuisoqarfiani siunnersutaasimalluni allaffimmilu pisortaasimalluni. Thue Christiansen 1997-imi Dannebrogordenen pissarsiaara 2002-milu Namminersornerullutik Oqartussat Kulturikkut nersornaasiuttagaat guldiusoq aamma pissarsiaralugu.

Thue Christiansen februaarip ulluisa 25-anni 1940-mi Uummannap eqqaani Maarmorilimmi inunngorpoq juunillu 26-ani 2022-mi 82-anik ukioqarluni toqukkut qimagulluni.

Thue Christiansenip eqqaaneqarnera ataqqinartuuli.