Mælkebøttecenteri Nuummiittoq ullumikkut ukiunik 15-inngortorsiorpoq, tamannalu malunnartinneqarnissaanut tunngavissaqarluartoq Kommuneqarfik Sermersuumi borgmesteri Avaaraq Olsen isumaqarpoq.
“Meeqqanik sumiginnaagaasimasunik sullissiniarnitsinni Mælkebøttecenteri pingaaruteqartumik inissisimavoq. Taamaattumik Mælkebøttecenterimut pilluaqquserusuppunga aammalu suliaannut qujarusullunga”, Avaaraq Olsen oqarpoq.
Mælkebøtti tassaavoq meeqqanit tamanit orninneqarsinnaasoq, qulingiluanillu unnuiffissaqartoq, 2007-imilu Kalaallit Nunaanni Sulisitsisut Peqatigiiffiannit taaneqartartumit pilersinneqarsimalluni. Taamanikkornit suliniutit amerlineqarsimapput Mælkebøttecenterilu ullumikkut ulloq unnuarlu paaqqinnittarfinnik marlunnik aamma ingerlataqarlersimalluni.
“Mælkebøttecenteri tassaavoq oqaluttuaq nuannerluinnartoq. Mælkebøtti pilersinneqarpoq peqatigiiffik isumaginninnermut akisussaaffimmik tiguseqartaarusunneratigut. Piffissallu ingerlanerani isumaginninnerup iluani suliniarnermi pingaarutilittut inississimalersimalluni, meeqqat amerlaasuut inuunerat aallartinnerluffiusumuut ilorraap tungaanut saatinneqarnissaanut Mælkebøtti sunniuteqaqataalluarsimalluni”, Avaaraq Olsen oqarpoq.
Avaaraq Olsen Mælkebøttecenterimi siulersuisunut ilaasortaavoq. Ilaasortaaffik borgmesterinngoreernermi kingorna paariinnassallugu aalajangersimasaa.