Angerlarsimafinni ikiortit coronamit nappaatinillu allanik tuniluuttunit tamaviaartinneqarput, taamaakkaluartoq innuttaasut angerlarsimaffimminni ikiorneqartartut sullinneqarput.
Taamatut pisoqarnissaanut piareersimasoqartuaannarpoq, sulisut ikileqqaneranni weekendimi suleriusigineqartartoq atorneqarpoq. Taamaasilluni eqqiaanerit pulaartoqarnerillu tunulliunneqarlutik, illuatungaanili nakorsaatinik agguaanerit pingaarnertut suliassatut ingerlanneqarput.
Utoqqarnik sullissivimmi aqutsisoq Arnannguaq Heilmann Christensen ima oqarpoq: ”Ajoraluartumik sulisut nappaammik tunillanneqarnerannik eqqugaavugut, tamanna isumaqarpoq sullissinerput annikkilliallanneranik. Utoqqaat soorunami nakorsaatinik agguaaffigineqarput aamma pingaarutillit allat isumagineqarlutik, sullissinerilli nukinginnanngitsut ullualuit qaangiuppata aatsaat suliareqqissinnaavagut. Sulisut peqqissiniariarpata ingerlaannaq nalinginnaasumik sulileqqissaagut.”
Qanigisaaguit sullissinermullu apeqqutissaqarlutit, taava sullissisunik ataqatigiissaarisut attaveqarfigisinnaavatit:
Akisooq Geisler Skifte, oqarasuaat 36 61 67 imal. mailimut akig@sermersooq.gl -imut allallutit
Susanne Josefsen, oqarasuaat 36 61 61 imal. mailimut supe@sermersooq.gl -imut allallutit