Utoqqaat Illuanni sulisut ukiut tamaasa aasaanerani, inuiattut ullorsiornissatsinnut sapaatip akunnera ataaseq sioqqullugu najugaqartunut sammisassaqartitsisarput, najugaqartut ukioq manna aamma assigiinngitsunik sammisassaqartinneqassapput.
Utoqqaat najugaqartut sammisassarpassuarnut peqataanissaminnut periarfissaqarput, taakku juunip 14-ianiit 20-ata tungaanut ingerlanneqassapput.
”Ataasinngornermi Qanilaarfimmi ”Olsen”-erlutik aallartissapput, temaugelu arfiup neqaanik nereqatigiinnermik nipilersornermillu naggaserneqassaaq, taakku Utoqqaat Illuata silataani ingerlanneqassapput”, Utoqqaat Illuanni aqutsisoq Ivalu Reimer taama oqaluttuarpoq.
Temaugelu naggasinnginnerani, utoqqaat illoqarfiup qeqqani pisuttuaqatigiissapput, Utoqqaat Illuata silataani grillereqatigiissaapput, torlorsortunik qilaatersortunillu isiginnaartinneqassapput kiisalu Utoqqaat Illuanni inersuarmi katerisimaarlutik qititsinneqassapput. Sapaammi juunip ulluisa 19-ianni utoqqaat qasuersaassapput, temaugelu ataasinngornermi juunip 20-ani naggaserneqassalluni.