Services

Inuiattut Ullorsiorneq 2022: Assit Nuummeersut takukkit

Naak Nuummi sila pitsaanerpaajunngikkaluartoq Nuummiorpassuit Nuutoqqami aaqqissuussamut najuupput.

Persuarsiorneq Nuummi kommunip illorsuarnit Nuutoqqap tungaanut ingerlaaqatigiinnermik aallarnerneqarpoq. Ileqqoq malillugu Nuummi peqatigiiffiit katinngatilisarlutik ingerlaaqatigiinnermi siuttuupput. Taakku Nuutoqqamut apuummata innuttaasorpassuarnit minnerunngitsumillu erinarsoqatigiinniit, Uummatip Nipaanniit tikkilluaqquneqarput, erinarsoqatigiit erinarsuut Nunarput Erfalasorlu atorlugu tikilluaqqusipput.

Nal. arfineq pingasunngormat puiseqqaanniuuttut Namminersorlutik Oqartussat Arktisk Kommando qamutilittaqatigalugu aallartippaat. Jens Karl Enoksen puiseqqaarluni tikippoq, Amos Hansen tullersortaasoq Malik Jeremiassenilu pingajuattut inissilluni.

Puiseqqaanniuunneq aallartinneqareermat Avaaraq Olsen borgmesteritut oqalugiaqqaatini oqalugiaatigaa. Avaaraq Olsenilu oqalugiarluni naammassimmat nunarsuarmi paggaa annersaat ingerlanneqarpoq, tassani meeqqat 15-it missaaniittunik ikiorneqarluni mamakujunnik paggaarput.

Kittat ukioq manna 40-liivoq, tamanna aamma aaqqissuinikkut malunnartinneqarpoq. Borgmester Avaaraq Olsen kaagimik avitseqqaartuuvoq, taassumalu kinguninngua qapiallaqqinneqqusaattoqarluni.