Atuarfeqarneq

Atuartunut suliatigut pikkoriffeqartunut misiliut akuerineqarpoq

Kommuneqarfik Sermersooq qinikkat atuartunut suliatigut pikkoriffeqartunut misiliutitut aaqqiissuteqarniarlutik aalajangerpaat. Aaqqiissut ukiup atuarfiusup tulliani atuarfimmi ataatsimi misiliutitut ingerlanneqassaaq. Tamatuma kingorna illoqarfinni atuarfinnut tamanut aaqqiissut atuutilersinneqarnissaa pilersaarutaavoq.

Ukiup atuarfiusup tulliani Kommuneqarfik Sermersuumi atuartunut suliatigut pikkoriffeqartunut suliniut nutaaq misiliutitut aaqqissuussaq ilisaritinneqassaaq. Suli atuarfik suliniummik ingerlatsisussaq aalajangerneqanngilaq, taamaattorli fagchefi Riikke Grønvoldip assut soqutigineqartoq nalunaarutigaa.

”Nalinginnaasumik atuartunut ilungersuuterpassualinnut aningaasanik sulisunilu atuingaatsiartarpugut. Soorunami tamanna pingaaruteqarpoq, ajoraluartumillu tamatuma kingunerisaanik ilinniartitsisut atuartunik pisariaqartitsisunik ikiuinerisa nalaani atuartut suliatigut pikkoriffeqartut nammineertiinnarneqarput, ” Riikki Grønvold oqarpoq.

Maannakkuugallartoq pikkorissartarfissamik pilersitsinissaq pilersaarutaavoq, tassani atuartut klassinit assigiinngitsuneersut katersuussinnaassapput suliassanillu qaffasinnerusumik uummarissaataasinnaasunik tunineqarlutik.

”Meeqqat atuarfiutigut tamanut ammapput. Atuartunut suliatigut pikkoriffeqartunut kiisalu atuartunut unammilligassaqartunut”, Riikki Grønvold oqarpoq, qilanaaralugulu suliniutip ukioq siulleq misiliutaanissaanut malinnaanissani.