Nunaqarfinni aqutsisut isumasioqatigiinnerat maajip 23-ani 24-anilu ingerlanneqassapput. Taakku immikkut najukkaminni innuttaasunik ataatsimiititsisimapput.
Innuttaasunik ataatsimiititsinerni qulequttat uku eqqartorneqarput:
- Nunaqarfimmi ingerlalluartut pingasut
- Nunaqarfimmi unammillernartut pingasut
- Nunaqarfik inuummarissarniarlugu suut suliarineqassappat?
Nunaqarfinni aqutsisut isumasioqatigiinnissaannut siunertaavoq, ingerlatsiviit innuttaasut oqariartuutaannut aammalu politikkikkut anguniakkat pillugit isummertussaammata. Nunaqarfinnut pilersaarut 2022-2025 kingusinnerulaartukkut suliarineqarumaarpoq, isumasioqatigiinnermiillu inernerit pilersaarusiornermi atorluarneqartussaallutik. Aammattaaq suleqatigiisitamik pilersitsisoqassaaq. Pilersaarutaavortaaq Nunarfinnut pilersaarut Kommunalbestyrelsimit temadageqarlutik aggustimi ataatsimiilerpata eqqartorneqarnissaa.
Isumasioqatigiinnerup ulluisa siullermi innuttaasut oqariartuutaat kiisalu politikkikkut anguniakkat eqqartorneqassapput, ullut aappaanni qinigaaffiup nalaani nunaqarfiit aqutsisuiniit anguniakkat eqqartorneqassallutik.