Juunip ulluisa 15-iat aallarnerfigalugu Avaaraq S. Olsen Kommuneqarfik Sermersuumi borgmesteritut aallartissaaq. Maannakkut borgmesteriusup Charlotte Ludvigsenip borgmesteriujunnaarnissamik kissaateqareersorlu kommunalbestyrelsimit tamanna ullumi aalajangerneqarpoq.
Kommunalbestyrelsip ataatsimiinnerani borgmesterinngortussaq Inuit Ataqatigiinniit, Naleqqamiit Demokraatiniillu taperserneqarpoq, Siumut taaseqataanngitsoq.
Avaaraq S. Olsen 2021-mi kommunalbestyrelsimut qinigaavoq. 37-nik ukioqarpoq ilinniartitsisutullu ilinniarsimasuulluni. Avaaraq S. Olsen Meeqqanut Ilaqutariinnullu Ataatsimiititaliami ullumikkut siulittaasuuvoq.
Avaaraq S. Olsen borgmesterinngoriaruni, Meeqqanut Ilaqutariinnullu Ataatsimiititaliami aamma Suliffeqarnermut Isumaginninnermullu Ataatsimiititaliami ilaasortaajunnaassaaq. Meeqqanut Ilaqutariinnullu Ataatsimiititaliami Charlotte Ludvigsenimit (IA) taarserneqassaaq kiisalu Suliffeqarnermut Isumaginninnermullu Ataatsimiititaliami Harald Biancomit (IA) taarserneqassalluni.
Meeqqanut Ilaqutariinnullu Ataatsimiititaliami kina siulittaasunngussanersoq ataatsimiititaliaq junimi immikkut ataatsimiilerpat aalajangermeqarumaarpoq.