Services Ulluunerani paaqqinnittarfiit

Ulluunerani paaqqinnittarfik nutaaq atoqqaartinneqarpoq

Ulluunerani paaqqinnittarfik nutaaq, Maligiaq, naluttarfiup Maliup eqqaani inissisimavoq, tallimanngormallu apriilip ulluisa arfineq-pingajuanni atoqqaarfissiorneqarnerani erinarsornertalimmik, kaagillernermik kiisalu Meeqqanut Atuarfeqarnermullu Ataatsimiititami siuliuttaasumit Juaaka Lyberthimit oqalugiarnermik malunnartinneqarpoq.

Ulluunerani paaqqinnittarfiup nutaap aqqa unammisitsinermi nanineqarpoq, siunnersuut Maligiaq Kuluk Dalagerimit siunnersuutigineqartuni sisamani ilaavoq. Paaqqinnittarfiup aqqa atoqqaarfissiorneqarnerani avammut nalunaarutiginineqarpoq. Paaqqinnittarfik atserneqareermat Sermersuumi nipilersornermik ilinniarfimminngaannit erinasoqatigiit tusarnaartitsipput.

Ulluunerani paaqqinnittarfik nutaaq, Maligiaq tassaavoq kommuni 2024-mi meeqqerivimmiititserusuttunut tamanut meeqqerivimmi inissamik neqerooruteqalersinnaanissaminut anguniagaqarneranut pilersitaq nutaajunersaq.