Services

Anorersuarlertinnagu pituttuigit!

Sisamanngornermi apriilip 21-ani natsimaneq anorersuannguuttartoq Nuummi pinissaa ilimasaarutigineqarpoq, innuttaasullu tamarmik kaammattorneqarput pigisat angerlarsimaffiup suliffeqarfiillu eqqaaniittut kiisalu umiatsiat kommunip puttasuutaani pitoqqasut aalajangerluarneqarnissaat.

Umiatsiaatillit kaammattorneqarput anorersualinnginnerani umiatsiatik puttasumiittut pituttulluassagaat. Kommunip puttasuutaani tulanngasinnaasut sinnerlugit tulanngasoqarpoq, taamaattoqarneralu kingunerikkajuttarpaa anorersuarsimatillugu angallatit kivisimasut Sanarfinermut Avatangiisinullu Ingerlatsivimmiit siumorneqartarneri.

Pigisat pituttorsimanngitsut arlaatigulluunniit aalajangerneqarsimanngitsut inissiat suliffeqarfiillu eqqaaniittut aalajangerneqarnissaat sakkortuumik kaammattuutigineqarpoq. Pigisat tamarmik aalajangerneqartariaqarput, grilleriviuppata, trampoliiniuppata, naasuusiviuppata imaluunniit pigisat tingitaasinnaasut suulluunniit. Pigisat aalangersorneratigut imaluunniit eqqunnerasut pigisatit sumut tamaanga teqqannginnissaat qulakkiissavat, taamaasilluni innuttaasunut allanut ajoqutaassanngillat imaluunniit ulorianartorsiutitsissanngillat.