Politikki

Aalisarnermut, piniarnermut nunalerinermullu susassaqarfik ataatsimiititamut allamut nuunneqarpoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersuumi aalisarnermut, piniarnermut nunalerinermullu susassaqarfiup aqunneqarnera Sanarfinermut Avatangiisinullu Ataatsimiititamit tiguneqarpoq, tamatumalu saniatigut ataatsimiititami ilaasortat marlunnik ilaneqarput.

Kommuneqarfik Sermersuumi kommunalbestyrelsimut aqutsinermut ileqqoreqqusaq ulloq 5. marsi 2022 inaarutaasumik akuerineqarnissaanut atatillugu akisussaaffeqarfiit nuutiterneqarneri taamatuttaaq akuersissutigineqarput. Kommuneqarfik Sermersuumi aalisarnermut, piniarnermut nunalerinermullu susassaqarfiup aqunneqarnera Sanarfinermut Avatangiisinullu Ataatsimiititamit tiguneqarpoq, susassaqarfik siornatigut Aningaasaqarnermut Inuussutissarsiornermullu Ataatsimiititamiippoq.

Nutaamik akisussaaffeqalernerup kingunerisaanik ataatsimiititap suliassai amerlanerulermata ilaasortat marlunnik ilaneqarput:

  • Finn Karlsen (Ken Madsen sinniisoralugu)
  • Dines Mikaelsen (Laura Taunâjik Uitsatikitseq sinniisoralugu)

Kommunimi ataatsimiititani ilaasortat tamarmik sermersooq.gl-imi ataatsimiititat immikkut nittartagaanni takusinnaavatit, uani Sunniuteqarsinnaaneq”


Finn Karlsen
Dines Mikaelsen