Upernaami kommunit suliffeqarfiutaani, Iserit A/S, Nuup Bussii A/S aamma Siorarsiorfik – Nuuk City Development (NCD) A/S, siulersuisunut ilaasortassanik qinersisoqassaaq. Maanna siulersuisuni ilaasortanngornissannut periarfissaqalerputit.
Kommune allannguuteqaqataarusuttunik kiisalu siulersuisuni ilaasortatut naleqquttunik piginnaasaqartunik pissarsiorpoq. Taamaallaat paasissutissanut immersugassaq immersussavat, taamaalillutillu CV-nnut tulluuttumik siulersuisunut ilaasortassatut piukkunneqartunut ilanngunneqassaatit.
Kommuneqarfik Sermersuumi kommunalbestyrelsip suliffeqarfinni kommunimit pigineqartuni siulersuisuni ilaasortat assigiinngisitaartunik kiisalu naleqquttunik piginnaanilinnik ilaasortaqassasut kissaatigaa.
Kommuneqarfiup allaffeqarfiata ingerlatseqatigiiffiit suleqatigalugit siulersuisuni ilaasortat naleqquttumik piginnaasaqartut ujartortarpai. Ingerlatseqatigiiffiit ingerlatseqatigiiffinnut kommunimilu innuttaasunut iluaqutaasumik eqqortumik oqimaaqatigiissumillu ineriartortinneqarnissaasa qulakkeerneqarnissaat pillugu taamaaliortoqassaaq.
Neqeroorut kommunalbestyrelsip avataatigut siulersuisuni ilaasortatut kommunalbestyrelsip toqqarneqartartunut atuuppoq. Neqeroorummi pineqanngillat Kommunalbestyrelsimi ilaasortaasut toqqarneqarlutik siulersuisuni ilaasortaatinneqartartut.
Qinnuteqaat immersoruk ugguuna sermersooq.gl/siulersuisuni-ilaasortanngorit
Ilaasortanngornissamut piumasaqaataavoq qinnuteqaat kingusinnerpaamik ulloq 6. apriili 2022 tiguneqareersimanissaa.