Systeminut pisarialinnut attaveqaatit pilersinneqarallarput, taamaammat isumaginninnermut tunniuttakkat ulluni qaninnerni tunniunneqarnissaat naatsorsuutigineqarpoq.
Namminersorlutik Oqartussat qarasaasiarsorneranut unioqqutitsilluni isertoqarmat, pisortat aningaasaqarneq pillugu systemiisa matuneqarnerannik kinguneqarpoq, taamaasilluni aningaasanik tunniussassanik tunniussinissaq ajornarsisinneqarluni.
Pisarneq malillugu suliat systemini pilersinneqarsinnaapput, kisianni aningaasat tunniunneqartussat tunniunnissaat pisinnaasimanngilaq. Taamaasilluni Kommuneqarfik Sermersuumi isumaginninnermut tunniuttakkat tamangajammik tunniunneqarnissaat kinguaattoorutigineqarsimapput.
Attaveqaatit pisariallit maanna pilersinneqarallarput, taamaasillunilu isumaginninnermut tunniuttakkat sukkanerpaaq atorlugu tunniussorneqalerlutik.
Kommunip iluani systemit ilaat suli ajoquteqarput, tamanna akiligassat kommunimit akilineqartussanut kiisalu inuup normuanut tunngasut aamma suliat suliarineqarneranut tunngasut sunnerneqaqqallutik.