Kommuneqarfik Sermersuumut akiligassaq pissarsiarisimanngisat pillugu akiliisitsiniartarfimmut nalunaarutigineqarsimavit? Taamaappat allat peqatigalugit akiliisitsisarfimmi teknikkikkut kukkunermit eqqorneqarsimavutit.
Kukkunerup kingunerisaanik akiligassat nalinginnaasut decembarimi akiligassat 3.850-it, 2022-mi januaarimi akilerneqarsimasussat ilinnut – innuttaasumut/suliffeqarfimmut – nassiunneqarnissaat sioqqullugu akiliisitsiniartarfimmut toqqaannartumik nassiunneqarsimapput.
Kommuni nassiussaminik suli utertitsinngitsoq innuttaasut 500-t akiligassaq akiliisitsiniartarfimmiit pissarsiartik akilersimavaat. Innuttaasut/suliffeqarfiit akiliisitsiniartarfimmiit eqqunngitsumik saaffigineqarsimasut ilagisimappatsit, akiligassaq taanna imminiiginnassavat. Tassami Kommuneqarfik Sermersuumiit akiliisitsiniarnissaq utertinneqarpoq. Tassunga taarsiullugu marsip qaammataata ingerlanerani, imaluunniit kingusinnerpaamik apriilip aallartinnerani PBS-imiit akiligassamik – marsimi akiligassamut peqatigitillugu – pissarsissaatit.
Qanoq iliussavit?
Akiligassat akiliisitsiniartarfik aqqutigalugu akilereersimagukku allamik iliuseqassanngilatit. Akiligassat maannarpiaq akilerusukkukku kommunip Innuttaasunut Sullissivianut saaffiginnissinnaavutit, akiliinissaq siunertaralugu akiligassap assilineranik piniarlutit.
Akiliisitsisarfik aqqutigisartakkat aqqutigalugu akiliinissat piumanerugukku allamik iliuuseqassanngilatit. Aamma akiliisitsisarfimmut ilannguteqqinniarlutit nalunaassanngilatit.
Kukkuneq pereerpoq, kisiannili peqqissanngilaq
Kommuneqarfik Sermersuumiit taamatut pisoqarneranut utoqqatserpugut, neriuppugullu innuttaasut suliffeqarfiillu eqqorneqartut paasinnilluassasut.