Paamiuni Puilasunnguani pulaarnermi killilersuutigineqartut februaarip 16-ianiit atorunnaarput. Taamaattorli pulaannginnermi ersiutit immikkut eqqumaffigineqarnissaat pisariaqarpoq.
Januaarip naalernerani Paamiuni tuniluuttoqalerpoq. Taamaattoqarnerani utoqqaat illuanni Puilasunnguani pulaarnermi killilersuisoqalerpoq. Killilersuutit januaarip 27-ani atuutilersut, ullumikkut februaarip 16-aniit atorunnaarput.
Tunillaassuunneq pinaveersaartiguk
Killilersuineq atorunnaaraluartoq pulaannginnermi COVID-19-imut ersiutit suli eqqumaffigineqassapput, kiisalu innersuussutit naliginnaasut malinneqarnissaat kaammattuutigineqarluni:
- Napparsimaguit ersiuteqaruilluunniit utoqqaat illuannut pulaarnak
- Assatit asakulakkit imaluunniit assannut spritti atoruk
- Talivit peqittarianut quersorit/tangajorit
- Allat timaannik attugaqarneq killeqartiguk – assammiinnak, ersakkut aparsinak, eqitaarinak il.il.
- Qanillinaveersaarit allallu taamatut ilioqqullugit