Nuannaarutigalugu Kommuneqarfik Sermersuumit NCD-millu nalunaarutigineqassaaq naluttarfik Maliup eqqaani ukioqatigiinngitsunut meeqqerivimmi nutaami meeqqat siulliit tikilluaqquneqarnissaannut piareermat.
Meeqqerivik immikkoortukkuutaarlugu 2022-mi marsip aallaqqaataanniit ammariartuaartinneqassaaq, tassanilu meeraaqqerivimmiittartut aallarniutigineqassapput.
Meeqqerivimmi pisortap Andreas Jessenip qaammatini kingullerni init sulisullu inissitsiternissaannut suliassat suliarai.
Meeqqanut utaqqisunut allattorsimaffimmi allassimasunut inissanik tunniussuinermut tunngatillugu meeqqat gruppikkuutaat niviarsiaqqat nukappiaqqallu, taakkulu ukiui malillugit pitsaasumik agguataarneqarnissaat anguniarneqassaaq. Meeraqaruit utaqqisut allattorsimaffiani allassimasumik kommunimut attaveqartariaqanngilatit. Meeraq inissamik tunineqarpat tulleriissaarisartut angajoqqaanut attaveqassapput.
Kingorna atuisut politikerillu suleqatigalugit meeqqerivik pisortatigoortumik atoqqaarfissiorneqassaaq atserneqarlunilu.