Nuummi coronap tuniluunnera annikilliartorpoq, taamaattumillu corona peqqutigalugu atuarfinni killilersuinerit Nuup atuarfiini atorunnaarsinneqarput. Ajoraluartumilli Tasiilami Paamiunilu tuniluunneq annertusiartorpoq, tamannalu kingorneraa taakkunani atuarfiit killilersuiffiulernerannik.
Tasiilami Paamiunilu tuniluuttoqarnera ingalassimaartinniarlugu atuarfinni iliuseqartoqarpoq.
”Tasiilami Paamiunilu meeqqat atuarfiini coronamik tuniluunnermik eqqugaapput. Taamaammat iliuuserisassatsinnik assiginngitsunik pilersitsivugut, taakkulu Tasiilami Paamiunilu meeqqat atuarfiini tuniluunneq pinaveersaartissavaat. Nuummilu illorraap tungaanut ineriartortoqarnera peqqutigalugu meeqqat Nuummi atuartut nalinginnaasumik atuarsinnaalernerat periarfissaalerpoq”, Meeqqanut Atuarfeqarnermullu ingerlatsivimmi pisortaq Lone Nukaaraq Møller oqarpoq.
Iliuutsit pingasut ukuupput;
- Angajulliit atuariartorfissaat pisinnaatillugu nikisinneqarnerat
- Taamaallaat klassikkaartumik atuartitsinerit – aamma eqaarsaarnermi
- Atuartut silamiitillutik taamaallaat klassetrineqatitik ilagisinnaavaat, atuarfiullu iluani taamaallaat klasseqatitik ilagisinnaallugit