Services

Utoqqaat illuanni, Puilasunnguami, pulaarnermi maleruagassat nutaat

Paamiuni utoqqaat Puilasunnguamiittut illersorniarlugit periusissiat nutaat pilersinneqarput. Suut eqqumaffigissanerlugit uani atuakkit.

Paamiuni utoqqaat illuanni, Puilasunnguami, najugaqartut illersorniarlugit, januarip 27-aniit februarip 15-iat 2022 ilanngullugu pulaarnermi immikkut ittunik maleruagassanik atuutilersitsisoqarpoq.

Pulaartut killilersorneqarneri

Puilasunnguami najugalik amerlanerpaamik marlunnik pulaartoqarsinnaavoq. Maleruagassat avaqqunneqarsinnaanngillat, taamatuttaaq pulaartunut ukioqatigiiaanut tamanut atuupput, aamma qaniginerpaasaannut.

Qanermut assiaqut eqqaamallugu

Pulaartut pulaarnertik tamaat PINNGITSOORATIK qanermut assiaquteqassapput.

Tunillaassuunneq pinaveersaartiguk

Taaneqartut saniatigut pulaartut innersuussutit naliginnaasut malissagaat kaammattuutigineqarpoq:

  • Napparsimaguit ersiuteqaruilluunniit utoqqaat illuannut pulaarnak
  • Assatit asakulakkit imaluunniit assannut spritti atoruk
  • Talivi peqittarianut quersorit/tangajorit, aamma qanermut assiaquteqaraluaruit
  • Allat timaannik attugaqarneq killeqartiguk – assammiinnak, ersakkut aparsinak, eqitaarinak il.il.
  • Qanillinaveersaarit allallu taamatut ilioqqullugit