Timersortartut Ullut Inussivimmi ingerlanneqarnissaa pilersaarutaagaluarpoq, kikkut tamarmik peqataasinnaallutik toqqakkanillu akissarsititsinerit malinnaavigisinnaallutik. Coronali ajornartoortitsimmat aaqqissuussaq taamaatiinnarneqarpoq. Ajugaasut akissarsiassatik kommunip allaffianut aajumaarpaat, qaammatip ingerlanerani kommunimiit qaaqquneqarumaarput.
Timersortartut Ulluanni 2022-mi akissarsissutigineqartussat arfiniliupput, tassaallutik;
- Timersullammak
- Piukkunnaatilik
- Aqutsisuullammak
- Sungiusaallammak
- Ukiup iligiivi minnerunngitsumillu
- Kajumissaat
Ajugaasut kikkuunersut toqqaneqarneranullu tunngavilersuutit ataani atuarsinnaavatit.
Timersullammak – Kim Ujarak Lorentzen.
Nunatsinni nukittuneqqusaannermi oqaamaannerni ajugaasoq, ukioq kingulleq angusani suli pitsaanerusunngorlugit anguai, Kalaallit nunaaniinnaanngitsoq nunanilu allani. Nunarsuarmi nalunnginneqarluarpoq, Nuummut nunatsinnullu nittarsaasilluartuulluni. Naalagaaffeqatigiinnermi nukittunersaraarput kigumungaassiit takuteqqippaa.
Piukkunnaatilik – Sissu Petersen
Sissu Petersen 13-iinnarnik ukioqarluni kalaallini siullersaalluni 1 minut ataallugu 100 miiteri nalupaa. Danmarkimilu pissartanngorniuunnermut anngulluni, tassanilu bronzennalluni 400 miiterimi unamminermi.
Sissup angusai pitsaalluinnarput, eqqarsaatigalugu Danmark naluttartut silarsuaanni pitsaalluinnartumik inissisimammata. Sissu Petersen ullumikkut 14-inik ukioqarpoq.
Aqutsisuullammak – Aili Pedersen
Aili Pedersen arnat arsartartunut sungiusaasuuvoq. Sungiusaasutullu NÛK futsalimi Kalaallit Nunaanni pissartanngorniuunnermi bronzinnatillugu. Ailillu piginnaasai maluginiarneqarsimapput taamaalillunilu Nunanut allanut unammisartut Futsalernermi ikiortitut sungisaasunngorpoq. Aili sungiusaasuinnaanngilaq aammali maligassiuisuuvoq arnanut allanut, arsaannerup iluani avataanilu.
Sungiusaasuullammak – Albrecht Damgaard
Sungiusaasoq tunniusimasoq tunngavileeqataasarpoq peqatigiiffiup angusarissaarnissaanut. Ukiut qulikkaat arlallit B-67-mi sulorartartuni Albrecht Damgaard aalajaalluni inuusuttuaqqani sungiusaasuuvoq sungiusartagaalu ukiut tamaasa ujaminnattut akornanniittarput ilaallu kingusinnerusukkut nunanut allanut unammisartunngortarlutik.
Sungiusaasoq takkuttuaannartillugu sungiusakkat kajumillutik takkuttualersarput. Tamanna Albrecht Damgaardip sungiusaasarnerani sungiusartagaanilu takuneqarsinnaalluarpoq.
Ukiup iligiivi – NSP langrend
Unammisartuusimasut kajumissutsimik sulerusussuseqalersimasut peqatigiiffitsik pillugu tamannalu malugineqarluarsinnaavoq. Kalaallit Nunaanni pissartanngorniuunneq Aasianni ingerlanneqarpoq, NSP angusarissaarnerpaalluni, meeqqani innersimasunilu ujaminnattaat katillugit 69 pissarsiarineqarsimapput.
Ukioqatigiikkaani arlalinni NSP pitsaanerpaavoq tamannalu kajumissiutsimik sulisut sulilluarnerini angusarineqartumut takussutissaavoq.
Kajumissaat – NÛK håndbold starz
Nuummi Håndboldillaqqissunik peqarpugut taakkualu ateqarput NÛK håndbold Starz. Timersoqartigiittartut imminnut ataqatigiilluartut, sungiusaasorissaarluartullu. Arsaqatigiit nunarsuarmi nuannernerpaami pilluarnarnerpaamilu unammisartuupput, tassa Lykkeligami.
Timimikkut innarluuteqaraluartik ataatsimoorlutik sungiusartuartarnerat minnerunngitsumillu sungisusaasugissaarnerat timimik aalatitsilluartarput.