Kommunip eqqakkanik aallertarnermi maleruaqqusanik atuutilersitsinerata kingunerisaanik saaffiginnittut amerlipput, taakkulu amerlanersaat eqqaaviup inissinneqarneranut tunngasuupput. Eqqakkavit aaneqarsinnaanissaannut suut eqqumaffigissaneritit pillugit uani paasisaqarnerugit. Pingaaruteqarpormi malittarisassat pillugit paasisaqarluarnissat.
Eqqagassaleriffimmit erseqqissaatigineqassaaq, inoqutigiit kommunip eqqakkanik imaarsisarneranut ilanngukkusuttut eqqaaviup inissisimaffia nunamiit qaffasinnerusumiitinneqassammat. Akuerineqarporli, eqqaavik qaffanneqarsinnaasoq 40 cm-it missaanik, tummeqqanik 2-3-t naligisaanik
Malittarisassami allannguut pilersinneqarnikuuvoq atuutilersinneqarnikuullunilu, eqqaavilerisut suleriaasaat pitsanngorsarniarlugu, pissutsillu malittarisassani atuutsinneqartut malinneqarnissaanut. Taamaattorlu inoqutigiinni kommunip eqqaavilerinermut sullissinerminut akikinnerusumik sunniuteqarluartumillu kiffartuussisinnaanissaanut.
Inoqutigiinni kommunip eqqagassalerinermut maleruagassaat akuerineqanngippat, aaliangerneqarsinnaavoq eqqagassalerisut akuerineqartut allat atulersinnaallugit.
Erseqqissaatigineqassaarli kommunemi eqqagassalerinermut allattorsimaffiani taamaatitsisoqarsinnaanngimmat eqqagassalerisunit akuerineqarnikunit allanit nalunaarsorneqarnermik uppernarsaateqaqqaarani.
Eqqagassalerinermut akuerisat ullumikkut tassaapput Godthåb Transport Service aamma Nuuk Transport.