Innuttaasut akornanni COVID-19-ip tuniluunnerata annertusiartornera peqqutigalugu, Nuummi utoqqaat illuanni najugaqartut illersorniarlugit periusissanik nutaanik pilersitsisoqarpoq. Suut eqqumaffigissanerlugit uani atuakkit.
Utoqqaat illuanni najugaqartut tunillatsinnissaat pinaveersaartinniarlugu piffssami decembarip 23-aniit januarip aappaa ilanngullugu pulaartunut immikkut ittunik maleruagassanik pilersitsisoqarpoq.
”Ukiup sinneranut sanilliullugu nalliuttuni utoqqaat illuinut pulaartoqarnerusarnera nalinginnaasuuvoq. Ullumikkut tunillaassuuttoqarnerata kinguneranik maleruagassanik immikkut ittunik pilersitsisariaqarsimavugut, taamaaliornikkut pulaartut najugaqartunut tunillaaratarsinnaanerat annikinnerpaaffissaaniitinniarparput” Suliffeqarnermut Isumaginninnermullu Ingerlatsivimmi pisortaq Ejner Grønvold oqarpoq.
Pulaartut amerlanerpaamik pingasukkaassapput
Utoqqaat illuani najugaqartut pingasunit amerlanerusunik pulaartoqaqqusaanngilaq. Maleruaqqusat avaqqunneqarsinnaanngilaq, taamatuttaaq pulaartunut ukioqatigiiaanut tamanut atuupput, aamma qaniginerpaasaannut.
Qanermut assiaqut eqqaamallugu
Utoqqaat illuat tamanit iserfigineqarsinnaavoq, taamaammat pulaartut pulaarnertik tamaat qanermut ASSIAQUTEQASSAPPUT.
Tunillaassuunneq pinaveersaartiguk
Taaneqartut saniatigut pulaartut innersuussutit nalinginnaasut malissagaat kaammattuutigineqarpoq:
- Napparsimaguit ersiuteqaruilluunniit utoqqaat illuinut pulaarnak
- Assatit asakulakkit imaluunniit assannut spritti atoruk
- Talivit peqittarfianut quersorit/tangajorit, aamma qanermut assiaquteqaraluaruit
- Allat timaannik attugaqarneq killeqartiguk – assammiinak, ersakkut aparsinak, eqitaarinak il.il.
- Qanillinaveersaarit allallu taamatut ilioqqullugit