Utoqqarnut inuusuttunullu naatsorsuussanik inissianik Nuussuarmi sanaartortoqarsinnaalernissaanut kommunimut pilersaarummullu tapiliussatut siunnersuut periarfissamik ammaassisuussaaq, tamatumalu tamanut tusarniutigineqarnera 2022-mi januaarip 19-iata tungaanut ingerlassaaq.
Kommunimut pilersaarummut tapiliussassatut siunnersuummi 3A9-1-imi Nuussuarmi inuusuttunut utoqqarnullu naatsorsuussanik inissialiornissamut qinnuteqarnissamut periarfissiisoqassasoq, taannalu marsip ulluisa aappaanni 2021-imi kommunalbestyrelsimit akuersissutigineqarpoq.
Kommunimut pilersaarummut tapiliussap inaarutaasumik akuersissutigineqarnissaata pinnginnerani kikkulluunniit tassunga oqaaseqarsinnaanissaat periarfissaatinneqarpoq. Tamannalu pillugu siunnersuut 2022-mi januaarip 19-iata tungaanut tamanut tusarniutigineqarpoq.
Pilersaarummi immikkoortup ilaa nutaaq 3A9 inissiaqarfittut siunertatut atugassiissutigineqassaaq, tassani utoqqarnut inuusuttunullu inissianut sanaartorfissat katillugit 12-it kiisalu qitiusoqarfimmik illumik ataatsimik sanaartorfissamik atugassiissuteqartoqassaaq. Quleriit sisamat tikillugit portutigisunik illuliortoqarsinnaavoq. Sumiiffik sorleq pineqarnersoq uani takusaqarfigisinnaavat:
Oqaaseqaatit akerliliissutillu Kommuneqarfik Sermersuumi ulloq 19. januaari 2022 nallertinnagu tiguneqareersimassapput, nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl