Kommunimut pilersaarummut tapiliussamik nutaamik siunnersuusiornikkut atortussanik suliaqarfiliornissaq tassungalu pilersaarummut ilaasunik talittarfiliornissaq ataasiakkaanillu illuliornissaq periarfissaalissaaq. Siunnersuummut oqaaseqaatit akerliliissutillu u. 17. januaari 2022 ilanngullugu tunniunneqarsinnaapput.
Siunnersuutikkut Kommunimut pilersaarummut tapiliussatut 4B7-1-ikkut, juunip aallaqqaataani 2021-imi kommunalbestyrelsimit pilersaarutitut siunnersuutitut akuersissutigineqartukkut Nuummi atortussiassanik suliaqarfiliornissaq periarfissaalissaaq.
Pilersaarummut ilanngullugu immikkoortup ilaa 4B7 atortussiassanik suliaqarfimmik pilersitsinissamut atugassanngortinneqarpoq, ujaqqanik sioqqanillu tulaassuiffiullunilu nassiussisarfeqassalluni, aserorteriveqassalluni aammalu atortussiassanik immikkoortiteriveqassalluni, atortussiassanillu assigiinngitsunik inaalitsiviussalluni. Atortussiassat inaalitsivinnut qarmakkanut immikkoortitigaassapput. Tamatuma saniatigut pilersaarummi umiarsualiviliornissaq, illunillu ataasiakkaanik suliffeqarfimmut atasunik sananissaq periarfissaalissaaq.
Atortussanik suliaqarfik pilersaarutit naapertorlugit sumi pilersinneqarsinnaanera pillugu uani takusaqarfigisinnaavat:
Oqaaseqaatit akerliliissutillu Kommuneqarfik Sermersuumi ulloq 17. januaarip 2022 nallertinnagu tiguneqareersimassapput, nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl
Kommunimut pilersaarummut tapiliussatut siunnersuut tamakkerlugu uani atuarneqarsinnaavoq