Iserit, Ini, Illuut aamma Kommuneqarfik Sermersooq tamarmik Nuummi aputaajaanissamut akisussaasuupput. Taamaattumik pingaaruteqarpoq paasissallugu, illit matuppit saavani aputaajaasoqarsimangippat kikkut saaffigissanerlugit.
Illoqarfiup assingani nutaami qalipaatilersorlugit takuneqarsinnaavoq, kikkut Nuummi aqqutini aqqusinernilu aputaajaanissamut akisussaasuunersut. Taava aputaajaasoqasimanngippat takusinnaassavat kimut saaffiginnissanerlutit. Tamanna illoqarfiup assingani uani takusinnaavat.
Qalipaasersornerini takuneqarsinnaavoq kikkut aputaajaanermut akisussaasuunersut
Qorsuk: Illuut ApS – sianerfissaq 32 31 00
Tungujortoq: Iserit A/S – sianerfissaq 36 30 00
Aappaluttoq: Ini A/S sianerfissaq 70 10 00
Sungaartoq: Til Kommuneqarfik Sermersooq – sianerfissaq 36 75 75
Qalipaateqanngitsoq: Inummut. Aputaajaasunut attaveqaat sianerfigiuk 36 75 75