Services

Mailikkut nalunaaruteqartarfik ajorpoq – ima saaffiginnissaatit

Meeqqat inuusuttullu atugarliornerannik nalunaaruteqartarfik meeqqavut@sermersooq.gl , Nuummi sarfaaruttoqarnerani eqqornerlunneqarpoq. Taamaammat Meeqqanut Ilaqutariinnullu Ingerlatsivik nalunaaruteqarfissammik oqarasuaatinik ulloq unnuarlu sianerfigineqarsinnaasunik pilersitsivoq. Normui uani takukkit. 

Nalunaarutiginninnerit nalinginnaasumik mailikkut meeqqavut@sermersooq.gl -ikkut pisarput, kisianni sarfamik pilersuineq aalaakkaanngimmat maannakkuugallartoq maili atorsinnaanngikkallarpoq. Meeraq atugarliortillugu nalunaarutiginnissinnaaneq periarfissaasariaqarpoq.

Taamaammat oqarasuaatit sianerfigineqarsinnaasut sisamat pilersinneqarput, taakku aqqutigalugit ulloq unnuarlu nalunaarutiginnittoqarsinnaavoq. Kommunip illoqarfiini tamani normunik pilersitsisoqarpoq. Nunaqarfinni nalunaarutiginnittoqassatillugu illoqarfik nunaqarfimmut qaninnerpaaq aqqutigalugu nalunaarutiginnittoqassaaq. Normut ataani allassimapput: 

Nuuk, Qeqertarsuatsiaat, Kapisillit: 321015 

Paamiut, Arsuk: 532298 

Tasiilaq, Isertoq, Kulusuk, Kuummiit, Sermiligaaq, Tiilerilaaq: 598220 

Ittoqqortoormiit: 599101