Services

Orpiliarujussuaq ikumasoq eqqaamaviuk?

Taava ukioq manna takoqqinnissaanut qilanaalereerit! Kommuneqarfik Sermersooq Tusass suleqatigalugu aalajangerput, Tusassip napparutiutaata qullilersorlugu orpiliarujussuartut kusanarsassagaat.

Ukioq kingulleq COVID-19 ajornartoortitsinerani inuit katersuussinnaanerat killilersorneqarmat nutaamik eqqarsartoqartariaqarsimavoq, ukioq manna aamma killilersuineq atuuppoq.

Immitsinnut paarissaagut, taamaammat Kommuneqarfik Sermersooq Tusass suleqatigalugu napparut arsaattarfiup qulaatungaaniittoq ukioq manna kusassarneqaqqinnissaa aalajangiuppaat, taamaasilluni Nuummi sumiikkaluaraanniluunniit orpiliarujussuaq takuneqarsinnaassalluni.

Orpiliarujussuaq qaamasoq qorsummik qalipaatilik Qinngutsinniit, Nuussuarmiit Qaqortumiillu (Myggedalen) takuneqarsinnaavoq.