Services

Kangillinnguit Atuarfianniit 1.-6. klassit angerlartinneqarput

Kangillinnguit Atuarfianni Covid-19-ip tuniluunnera peqqutigalugu 1.-6. klassini atuartut angerlartinniarlugit aalajangerneqarpoq. Atuartut piaarnerpaamik aammalu kingusinnerpaamik 20. novembarimi misissorteqqullugit kaammattorneqarput. Atuartut sapaatit akunnerata tulliup naanerani misissortinnerminni tunillatsissimanatik paasigunikku ataasinngornermi 22. novembarimi atuariartoqqissinnaapput.

Maanna Covid-19-ip tuniluunnera unikaallatsinniarlugu Kangillinnguit Atuarfianni 1.-6. klassit angerlartinneqarnissaat aalajangiunneqarpoq. Angajoqqaat ilisimatinneqareerput.

Tamannali atuartitsinerup unitsinneqarneranik isumaqanngilaq. Ullumikkut ilinniartitsisut ungasianiit ilinniartitsinissamut, sapaatit akunnerata tulliani online-kkut ingerlanneqartussamut pilersaarusiorlutik aallartipput.

Atuartut sulisullu, ullut kingulliit pingasut ingerlanerini misissortissimanngitsut piaartumik misissorteqqullugit – aammalu sapaatit akunnerani tullermi tallimanngornermi arfininngornermiluunniit misissorteqqeqqullugit – kaammattorneqarput. Ataasinngornermi 22. novembarimi atuartut misissortinnerminni tunillatsissimanatik paasisaqartut atuariartoqqissinnaapput.