Kommunalbestyrelsi inissianik attartortitsiniarluni aalajangermat Kommuneqarfik Sermersooq kommunimut piginaatitsissut uniorlugu iliuuseqarpa? Nakkutilliisoqarfik taamatut isumaqarpoq.
Soqutigisaqartut tamarmik aalajangikkatsinnik misissueqqissaarnissaannut periarfissinniarlugit siunnersortip allakkiai, suliami suliaritissimasagut tamanut ammasumik saqqummiunniarlugit aalajangerpugut.
Atuarit aammalu nammineerlutit naliliillutit.
”Kommuneqarfik Sermersooq inissianik attartortittakkanik pilersuiniarluni suliamut eqqarsaatigisassat, kommunimut iluaqutaanerpaasussat tunngavigalugit aalajangiisimammat assortorneqarsinnaanngilaq. Tamanna kommunip ineriartorneranut akornutaasumik aammalu innuttaasunut tamarmiusunut ajoqutaasumik ingerlasimarpasimmat, sivisuumik inissaaleqisoqarpoq sulilu taamaalluni.
Horten: Kommunip inissianik attartornera attartortitseqqinneralu pillugu allakkiaq
”Ataatsimut eqikkarlugu inerniliivugut, Kommunip inissianik attartorneranut attartortitseqqinneranullu kommunimut piginnaatitsissummik tunngaveqartoq, aammalu Kommunip tamatumunnga atatillugu iliuuseqarnermini aningaasaqarnikkut isumannaatsumik ingerlatsinissamut tunngavissat aammalu pisortat missingersuutaat naatsorsuutaallu pillugit inatsisit malissimagai.”
Horten: Inissianut tapersiisarnermut inatsisit pillugit allakkiaq
”Kommuneqarfik Sermersuup maannarpiaq inissianut, arlaatigut tapersiiffigineqarsimanngitsunut assersuutissanik saqqummiussisinnaanera ajornarpoq.”
Deloitte: Nuummi Tuujummi inissialiortiternerup immikkoortuanut 1-imut naatsorsukkat
”Qanorluunniit pisoqaraluarpat pisoqarnissaa tunngavigalugu naatsorsukkani takutinneqarpoq, KS-ip nammineerluni inissialiortiternissaanit KS-ip attartortutut inissisimanissaa aningaasaqarnikkut pitsaanerusoq. KS-ip ineqarnermut akiliutigititassanut naleqqiullugu akisuallaamik sanaartornissaa tamatumunnga peqqutaasinnaavoq.”
”[Inissiat attartortittakkat]…missingersuusiornermi isumannaallisitsisarput, aningaasartuutissat ilisimaneqartarmata, taamaattumillu aningaasartuutissanik missingersuusiugaanngitsunik takkuttoqartanngimmat.”