Tasiilami Inuusuttut Kulturikkut Illuat, Igdlo, atoqqaarfissiornerani Kraemers Grønlandsfondimiit 50.000 koruuninik tunissutisipput. Aningaasat tunniunneqartut nipilersuutinik nutaanik taarsiinissamut sannatinillu pisinissamut atorneqarnissaq siunertaavoq.
Septembarimi Inuusuttut Kulturikkut Illuata sulisui kiisami nutserlutik naammassimmata, Tasiilami innuttaasut nuannallutik aallartipput. Kisiannili Igdlo ulloq taanna naammassinera kisimi nuannaarutissaanngilaq. Atoqqaartitsinerup nalliuttorsiutiginerani aamma Igdlo aningaasanik tunitissimanerat nalunaarutigineqarpoq.
Tunissutissiaq 50.000 koruuninik imalik Kraemers Grønlandsfondimiit tunissutaavoq. Aningaasaateqarfillu atoqqaartitsinermi ilaasinnaangimmata Jakob Færch, Lokale og Anlægsfondiminngaanneertoq tunissut nalunaarutigaa.
“Siornatigut Tasiilami pulaariarnikuullunga maluginiarnikuuvara inuusuttut nipilersullaqqittorujussuusut. Taamaattoq piginnaasallit tapersersorluarusuppagut nipilersuutissaannik pisinniartissinnaatillugit. Aammami taamalillugu nipilersoqatigiinnik amerlanerusunik pilersitsisinnaalissapput, piginnaasatit siarmarsarlugit”, Kraemers Grønlandsfondip siulittaasua, Else Mikkelsen kingusinnerusukkut oqaatigaa.
Aamma eqqarsaataavoq Inuusuttut Kulturikkut Illuat tunissutissiaa sanalunnermut atortunik pisinniarlutik atorsinnaassagaat, inuusuttut orpikkat qalipaatillu atorlugit nutaaliullaqqinnerat takutinnikuummagu.